Über d‘ Markt
oder, wie alles agfange hät…
Irgendwänn ä mol hät d Steinebrunner Helmut die Idee ka, im Dorf n‘
schöne Markt z‘ mache. Es sott öbbis bsundris si.
Öbbis wo’s do neume in dere Art in d‘ Gegend nit hät.
Us sellre Idee isch dänn tatsächlich öbbis handfeschtis gworde.
Ganz am Anfang ware s d‘ Helmut, sini Tochter Manuela und d‘ Kaister Axel.
Noch und noch isch n‘ Gremium entstande, däs sich regelmässig
troffe hät, um d‘ Plän ind Tat umzsetze. Vor ne paar Johre isch d‘ Helmi dann in
Enkedorfmarkt Rente gange, und hät d‘ Manu s‘ Zepter übergeh.
Am 02. Oktober 2004 hät dann d‘ erste Enkedorfmarkt Premiere ka.
Im untere Teil vom Enkedorf, hän ca. 35 Marktbeschicker ihri Ware feil botte.
D‘ Markt hät sich vo d‘ Enkedorfstroos 68 bis abe zum Klaraplatz und no n Teil vo d‘
St. Josefstroos erstreckt. An d‘ Josefskapelle hät no ne Pferdesegnung stattgfunde.
Mittlerwiili fangt d‘ Markt oberhalb vo d‘ Sunne a, und goht bis abe kurz vorm Habike. D‘ Azahl vo d‘ Marktteilnehmer liegt im Durchschnitt bi ca. 135.
Brauchtum, Tradition, altis Handwerk und Produkt us d‘ Region ware und sin au no hüt d‘ Eckpfiiler und Grundgedanke vom Markt.
Unterhaltig und verwiile für Jung und Alt.
An jedem Markt hän unsri Bsuecher könne alti Handwerkskunscht beschtaune.
Wie zum Beispiel:
Glasbläser, Töpfer, Schindelmacher, Holzschnitzer, Bürstenbinder
Korbflechter, Hufschmied, Strohschuhmacher, Sattler
Zigarrendreher, Ledergerber und vieli meh.
Bisher häma an jedem Markt einigi Traktorischte begrüsse dörfe, die ihri größteteils sehr ufwändig restaurierte und wunderschöni Oldtimer Traktore usgschtellt hän.
Au ne großi Uswahl an Straußewirtschafte mit regionale, kulinarische Spezialitäte findet ma bi eus.
Ochs am Spieß, Wildsaufrikadelle, Kesselfleisch mit Suurchrut,
Bierwurschtbrät, Fleischkäs, Gulasch mit Knödel,
Kaffestube mit selber gmachtem Kueche und so wita
Äh…nei, Currywurscht mit Pommes zählt do nit däzue!
Natürlich git’s au öbbis für ufd Ohre. D‘ ganz Tag vom morge bis z‘ Nacht wird für musikalischi Unterhaltig gsorgt. Musikkapellene us d ganze Gegend ware scho do.
Vo Jagdhornbläser bis Akkordeonorchester, vo mittelalterliche Musikgruppe bis Rockmusik isch für jede öbbis däbi.
Au d‘ Prominenz hät scho d‘ Weg zum Enkedorfmarkt gfunde.
D‘ Landrat Dr. Martin Kistler, d‘ Waldkönigin us Stuttgart, d‘ Winzerkönigin usm Markgräflerland ware au scho eusi Gäscht.
D‘ Stones hän au mol wälle koh, dene häma aber abgsait, da mir mit d‘ Rangers jo selber ne wahnsinns Rockband im Dorf hän.
Wänn dann d‘ Markt umme isch, gohts dann wita mit d‘ Obendveranstaltung. Mol hät obe bim Brandl ä Band gschpielt, dann ä mol bim Agster Andreas ufm Platz und bis abe zum Klaraplatz bi d‘ Marianne in d‘ Schüüre. Rockmusik, Alleiunterhalter oder Discomusik für jede Gschmack was däbi.
Selbstverständlich wird bi allene Obendveranstaltunge däfür gsorgt, dass keiner verhungere oder gar verdurschte mues.
So isch d‘ Markt entstande und hät sich im Lauf der Johre entwickelt. Mir würde eus freue, wenn ihr da Johr am 07. September au wieder mit däbi sind.
Und do findet ihr d´ Markt
